支付寶香港今個月推出繳費靈PPS綁定優惠，一分鐘完成登記即有$15屈臣氏現金券！今日就教大家點登記攞著數！

支付寶香港時不時都會推出優惠，吸引用戶設定同埋使用服務。只要喺 2020 年 6 月 30 日或者之前，做一個簡單嘅綁定，就有 $15 嘅屈臣氏禮券喇！要點拎呢？

首先你要打開同登入你嘅支付寶香港手機應用程式，之後喺「熱門優惠」一項入面，搵翻呢個「$15 屈臣氏禮券」優惠，再揀「立即連接 PPS」，又或者可以喺旁邊嘅選項，揀翻「PPS」，都可以去到同一個登入頁面。之後揀「登入 ppshk.com 進行連結，去瀏覽器輸入「ppshk.com」再登入你嘅 PPS 戶口，登入咗之後揀「AlipayHK 登記編號」、㩒「申請」、之後輸入收到嘅驗證碼、你就會收到一個 6 個字符嘅登記編號。只要返去 AlipayHK 支付寶香港嘅 App、揀「已獲取登記編號」、輸入番頭先個6位字符編碼，同埋你嘅登記電話號碼，咁就搞掂！

去番「優惠券」一頁睇睇！呢張 $15 嘅現金券即時到手，最驚喜嘅係買 $16 嘢就可以用！即係俾 $1 拎 $16 嘢走！ 你綁定咗未呀？

之後你只要透過手機淘寶買嘢，用支付寶香港入面嘅 PPSHK 戶口付款，仲有 1.5% 手續費優惠添喎！

《Z世代達人》
麥卓華